QUE SERÁ?

Nas aulas de primeiro levamos algo máis dunha semana facendo estas boliñas.

Imaxinades que son e para que as imos utilizar?

Nestes días darémosvos máis pistas.

OBRADOIRO DE COCIÑA

O mércores fixemos unha visita á lonxa, baixamos a un pantalán, onde nos ensinaron cría de ameixa, o vixiante explicounos en que consistía o seu traballo, e tamén falamos cun mariñeiro que tiña unhas centolas no barco e nos explicou a diferenza entre os machos e as femias.

Dentro da lonxa, ensináronnos as piscinas onde gardan o marisco antes das subastas, e tamén puidemos facer unha simulación de subasta.

Logo, alí ao lado, comezamos o obradoiro de cociña.

Primeiro lavamos as mans e puxemos un gorro e un mandil.

Comezamos coa elaboración dunha pizza que levaba algas wakame na masa.

Para facela, utilizamos auga, levadura, aceite de oliva, sal e fariña.

Logo de remexer todos os ingredientes,

tocounos comezar a amasar,

logo, estiramos a masa, engadimos os ingredientes e as metemos no forno.

A masa que fixemos, levámola para casa para poder practicar e facer unha pizza. Mariví, que é a cociñeira, xa tiña unha masa preparada para que a puidéramos utilizar nese momento.

Mentres se facían as pizzas, Mariví ensinounos a facer outra receta, "Algas espaguete rebozadas".

Pasámolas por fariña, ovo e fariña, e tamén por unha peneira para queitarlle a fariña que sobraba.

Logo, Mariví fritiunas e, ao rematar, puidemos comezar a merendar.

Estaba tooooooodo boíiiiiiiiiiiiiisimo!

Moitas grazas a todas as persoas que fixeron posible este obradoiro.

Aprendemos moito, comemos de marabilla e pasámolo xenial!